مریانا موشێ:
گرنگیێ ب جل و بەرگێن خۆ ددە م چونكی كەلتورێ مەیە
* كەسێن مەزن و شارەزا جل و بەرگان بۆ مە گرێدەن، چونكی گرێدانا وان یا بزەحمەتە
* گرنگیێ ب ستایلێ خۆ ددەم، و ب كارێ جوانكاریێ بۆ كچان رادبم
* گەلەك جاران بویك و زاڤایێن مە رۆژا دووێ ژ شەهیانا خۆ ڤان جل و بەرگان دكەنە بەرخۆ
هەر نەتەوە یان ئۆلەكی جل و بەرگەكێ تایبەت هەیە ئاشووریان ژی جل و بەرگێ خۆیێن تایبەت هەنە كو دبێژنێ (خومالا) و ئەڤەژی جل و بەرگەكێ پیروزە و كەڤنارە ل دەڤ وان، بۆ پتر پێزانینان ل دور ڤان جل و بە رگان، سنێلە (مریانا موشێ ئیواز) ل سالا (1995) ژدایك بویە ل كو مەلگەها كورا دژیت، بۆ كوڤارا سنێلە پەیڤی.
دیدار/ مزگینا مەهدی
سنێلە/جل و بەرگێن خۆ یێن تایبەت بۆ چ هەلكەفتا بكاردئینن؟
مریانا موشێ: بۆ شەهیانا و گەلەك جاران بویك و زاڤایێن مە رۆژا دووێ ژ شەهیانا خۆ ڤان جل و بەرگان دكەنە بەرخۆ، هەروەسا ل سەرسالا ئاشوری ژی (1/4) ئەم ڤان جل و بەرگان دكەینە بەرخۆ.
سنێلە/ تۆ چەند گرنگیێ ب ڤان جل و بە رگان ددەی؟
مریانا موشێ: گەلەك گرنگیێ پێ ددەم چونكی كەلتۆرێ مەیە.
سنێلە/ وەك سنێلەك دزانی ڤان جل و بەرگان گرێدەی؟
مریانا موشێ: نەخێر كەسێن مەزن و شارەزا بۆ مە گرێددەن، چونكی گرێدانا وان یا بزەحمەتە.
سنێلە/ جل و بەرگێن هەوە هەموو وەك ئێكن؟
مریانا موشێ: نەخێر، یێن كلدان و ئاشووری و سریانی وەكی ئێك نینن.
سنێلە/ چەند گرنگیێ دەیە ستایلێ خۆ؟
مریانا موشێ: بەلێ گەلەك گرنگیێ ب ستایلێ خۆ ددەم و ب كارێ جوانكاریێ بۆ كچان رادبم.
سنێلە/ ئەو كچێن تۆ ب جوانكاریا وان رادبی تۆ حەز دكەی د چ ژی دابن؟
مریانا موشێ: حەز دكەم دژیێ من دابن، ئانكو سنێلە بن چونكی پتر ستایلێن وان دزانم.
سنێلە/ هوین چاوا ڤان جل و بەرگان ب دەست خۆڤە دئینن؟
مریانا موشێ: بارا پتر ئەم كرێ (ایجار) دكەین، چونكی بهایێ وان بۆمە یێ گرانە.
سنێلە/بهایێ وان چە ندە؟
مریانا موشێ: یێن كچان پێنج سەد هزار دینارن بۆ كرینێ و بۆ كرێ سەدو پێنجی هزار، یێن كوران نێزیكی دوو هزار دولارن و كرێ یا وان حەفت سەد تا هەشت سەد دولارن.
سنێلە: دووما هیك پەیڤاتە چی یە؟
مریانا موشێ: سۆپاس بۆ (مارك ئەنویا) كو ئەڤ جل و بەرگێن ل بەر من یێن وینە، هەر وەسا سۆپاسیا كۆڤارا سنێلە دكەم هیڤیدارم هەر سەركەفتی بن.
ب گرنژینێ دۆژمن دبیتە دۆست (جوج نیكولا)
