عەلی عەبدولعەزیز
شانازیێ دكەم كو وەلاتێ خودا دژیم
*هونەر بۆمن وەكی هەڤالەكی یە و گەلەك حەز ژێ دكەم
*حەز دكەم خزمەتا زارۆكان بكەم چونكە گرنژینا زارۆكان دل خوشیا منە
* گەلەك حە ز ژكەنالێ پێلستانك دكەم من رێز بۆ هەنە كەنالەكێ سەركەفتی یە
دیدار:ئامینا عبدالقادر
سنێلەكێ بەهرە مە ند ( عەلی عەبدولعەزیز) ستران بێژو زارڤەكەر ل كەنالێ پێلستانك كاردكەت و ل قوتابخانا ئەڤرو ل قوناغا حەفتێ یە دژیێ (13)سالیێ دایە، كۆَََََََڤارا سنێلە ب ڤەر زانی دیدارەكێ دگەلدا سازبكەت و كەسایەتی وهزرو بیربۆچوونێن عەلی تێدا دیار بكەین :
سنێلە/ هونەر ل دەڤ تە چییە؟
عەلی: هونەر بۆمن وەكی هەڤالەكی یە و گەلەك حەز ژێ دكەم چونكە كارەكێ سەركەفتن یە و دخزمەتا زارۆكاندایە.
سنێلە/ تو دەمێ خۆ یێ ڤالا چەوا دبورینی ونێزیكترین هەڤال بۆ تە چیە؟
عەلی: پێنوسی و پەرتوك و ستران بۆ من نێزیكترین هەڤالن و پتریا دەمێ خۆ ب ڤان كاران ڤە دبورینم وب تایبەت پە رتوكین هونەری و سترانان.
سنێلە/ تو وەرزشێ دكەی و حەز ژ چ خوارن دكەی؟
عەلی: بەلێ بەردەوام وەرزشێ دكەم ب تایبەت تەنسێ و حەز ژ ترشكێ دكەم.
سنێلە/چ پەیڤ ل دەڤ تە دخۆشن؟
عەلی: خواندن و ستران و هەڤال خوشترین پەیڤن ل دە ڤ من كو ئەز پێ كەیف خۆش دبم دەمێ گوه لێ دبم.
سنێلە/ تو حەزژ كیش سترانێ دكەی و تە دڤیا یا تەبا و تە گوتبا؟
عەلی: حەزژ هەموو سترانان دكەم و هەموو دخۆشن بەلێ سترانا (وەلاتێ من كوردستانە) یا هەڤالا من(نیڤین) گەلەك حەزژێ دكەم ,بەلێ ئەز بێژم یان هەر هەڤالەكێ دی دێ هەر یێ كەیف خوش بم.
سنێلە/ تو چ شیرەت ل سنێلە و زارۆكان دكەی؟
عەلی: دبێژمێ خواندنا خۆ برێڤە ببەن و وەلاتێ خۆ ئاڤا كەن و بەهرەیێن خۆ دیار بكەن دا كو بشێن خزمەتا وەلاتی بكەین چونكە بێ وەلات ژیان نابیت و شانازیێ دكەم كو د وەلاتێ خودا ب ئازادی دژیم .
سنێلە/ دەمێ مەزن دبی د هەر سترانا بێژی؟
عەلی:چ پێ نەڤێت دێ هەر سترانا بێژم و دێ بەردەوام بم دگەل زارۆكان.
سنێلە/پەیوەندی و كارێن تە دگەل كەنالێ پێلستانك د چەوانە؟
عەلی:گەلەك حەز ژ كەنالێ پێلستانك دكەم من رێز بۆ هەنە كەنالەكێ سەركەفتی یە و خزمەتا زارۆكان دكەت و گەلەك پشكداری دستران و كلیپا ئاهەنگێن ئادارێ و جەژنا و هەلكەفتاندا كریە.
سنێلە/ تو حەزژ چ رەنگ دكەی؟
عەلی: رەنگێ سپی چونكە نیشانا ئاشتیێ یە و رەنگێ سور نیشانا خووینا شەهیدایە.
سنێلە/ تو ب چ تورە دبی؟
عەلی: دەمێ دەیباب زارۆكان دئێشینن و دەمێ دبینم كەسەك ژێنگەهێ پیس بكەت گەلەك تورە و نەخۆش دبم.
سنێلە/ كی دگەل تە دا هاریكارە و پشتەڤانیێ ل تە دكەتن؟
عەلی: ب گشتی هەموو كەسێن دەوروبەرین من دگەل من دا هاریكارن و ب تایبەتی ماموستا(پەروین) كو ئەز فێری ستران گوتنێ كریمە و ئەڤ رێكە نیشا مندا و گوتە من دێ سەركەفتنێ تێدا ئینی هەروەسا دەیبابێن من و ماموستایێن من ل قوتابخانێ ژدل سوپاسیا هەمی لایەنا دكەم ب تایبەتی كۆڤارا سنێلە كو ئەڤ دیدارە دگەل مندا كریە و كەنالێ پێلستانك گەلەك پشتەڤانە دگەل مندا بۆ ئەنجامدانا كارێ خۆ.
سنێلە/ هیڤی و داخواز و حەزێن تە دژیانێ دا چنە؟
عەلی: حەز دكەم خزمەتا زارۆكان بكەم چونكە گرنژینا زارۆكان دل خوشیا منە و ل پاشەروژێ ببمە نوشدار و داخازا من ژ حكومەتا مە هاریكاربن دگەل مەدا چونكە هەتا نوكە مە ستودیو نینە كار لێ بكەین و سترانا لێ دروست بكەین داكو پتر بشێین خزمەتا زارۆكان بكەین ئەم پێدڤی ب هاریكاریێ نە؟
مرۆڤ ژكارێن خو زێدە تر, كارێ مرۆڤێن دی مەرەق دكەت(لا.رۆچ)
