ئەلند:
*بابەتێن هەلبەستین من ل سەر نەتەوایەتی و ئەڤینی نە
*من ل رۆژنامە وار و دگوڤاران دا هەلبەستێن خۆ بەلاڤ كری نە
*دەما دبینم ئالایێ كوردستانێ ل ناڤ وەلاتەكێ دی یێ بلندە كەیڤ خوش دبم
دیدار: ژێگر عبدولستار
ئەلند سنێلەكی زیرەك و خودان شیانە دبوارێ هەلبەست نڤێساندنێ دا و شیایە تاكو نوكە چەندین هەلبەستێن جوراو جور ل دور وەلاتی و ئەڤینی و…هتد بنڤێسیت مە ژی وەك كوڤارا 
سنێلە ئەڤ دیدارە دگەلدا ئامادەكر
سنێلە/ژ كەنگی وەرە تۆ هەلبەستا دنڤێسی؟
ئەلند: ئەڤە بۆ ماوەی سێ سالانە ئەز هەلبەستا دنڤێسم
سنێلە/ بەری تۆ هەلبەستا بنڤێسی تە هەلبەست خواندینە؟
ئەلند: بەری نڤیسینێ من كێم خواندن پتر من گوهداریا هەلبەستێن ماموستا (شعبان سلێمانی و هەلگود قەهار) دكر
سنێلە/ تە شێوازەكێ تایبەت بۆ نڤێسینا هەلبەستێ بۆ خۆ دروست كریە ؟
ئەلند: بێ گومان من ژیك هەولێن هندێ داینە كو من شێوازەكێ تایبەت هەبیت بۆ نڤێسینا هەلبەستا.
سنێلە / پرانیا بابەتێن هەلبەستێن تە ل سەر چنە ؟
ئەلند:بابەتێن هەلبەستێن من ل سەر نەتەوایەتی و ئەڤینی نە
سنێلە/ تەل كیرێ هەلبەستێن خۆ خواندینە ؟
ئەلند: من گەلەك ئاهەنگێن قوتابخانا بەشداری كری نە و ل سالا بۆری ل فیستەڤالا هەلبەست خواندنێ ئامێدیێ ئەز یێ سێ دەركەفتم
سنێلە/ كێ پالپشتی و رێنشاندەرێ تە بۆیە بۆ نڤێسینا هەلبەستان ؟
ئەلند: ئەز ژ دل سوپاسیا ماموستایێن خۆ (شكری ئسماعیل و عەگید)ی دكەم بۆ پشتەڤانیا وان دگەل من.
سنێلە/ تە هەلبەستێت خۆ بەلاڤ كرینە؟
ئەلند :بەلێ من هەلبەستێن خۆ ل رۆژناما و دگوڤارا دا خۆ بەلاڤ كری نە
سنێلە/ تۆ هەلبەستان بۆ كێ د نڤێسی ؟
ئەلند : دەما ئەز هەلبەستەكێ دنڤێسم ئەز ئارام دبم لەومان ئەز بۆ خۆ دنڤێسم و هەر كەسێ حەز هەلبەستان بكەتن
سنێلە / ئەلند حەز دكەتن ژبلی نڤێسینا هەلبەستان چ كارێن دی ئەنجام بدەت؟
ئەلند: ئەز حەز دكەم كار دناڤ راگەهاندنێ دا بكەم
سنێلە / تە دەمەكێ تایبەت هەیە بۆ خواندنا پەرتوكان؟
ئەلند: ئەز بەردەوام پەرتوكا دخوینم چونكە دڤێت مرۆڤ گەلەك بخوینیت و كێم بنڤێست دا بشێت نڤیسینەكا باش بكەتن ل دووڤ پەرتوكێ دمینت
سنێلە/تو چ دەم كەیڤ خوش دبی؟
ئەلند: دەما دبینم ئالایێ كوردستانێ ل ناڤ وەلاتەكێ دی یێ بلندە كەیڤ خوش دبم
پارچەك ژ هەلبەستا ئەلندی
بێدەنگیێ گیانێ من خوار جار دی شەڤە وەكی هەر جار بدەنگیێ ڤالاهیا جاددێ یاتژی كریە ئەز یێ بتەنێ مە ئەوێن دێ هەستێن وان بێدەنگ ل رەخێن وان یا چێكری چما بێدەنگی بەر هنگاری شەڤێن من دبیت و رۆژێن من دبیت خەونێن من دبیت ل تە دگەرم لێ بێ مفایە یاخویایە وان ئەم ژێكڤەكرین تو دزانی ئەو كینە ئەو یێن هەموو تشت بخۆ حەلال كری ئەڤێن كرییە تاوان
بلندترین ئەنجامێن فیربوونێ خوراگری یە
