دكتور/كوردو ئەكرەم قەرەداغی
بسپورێ جوانكاری و راستڤەكرنا ئەندامێن لەشی
* روژبو روژێ خەلك ل سەر ڤان تشتان هەل بوویە كو گرنگیێ د دەنە لەش و دێمێ خو
* ژلایەنێ دەروونی ڤە ئەو كەس دێ گەلەك هەست ب ئارامیێ كەت
* ئەگەر نیشتەگەریا دفنێ كر دێ دێمێ وی جوانتر لێ هیت و دێ شێت لاوتر بهناخو ئینیت و بەت
بەرهەڤكرن/كوڤاراسنێلە
– گرنگی دان ب دێم و سەر و چاڤ و لەشێ خو نهوبویە وەك باشترین رێك كوتوجوانیا خو پێش چاڤ بكەی ژبو ڤی بابەتێ گەلەك گرنگ مە ئەڤ جارە دكتور كوردو ئەكرەم قەرەداغی 
كریە مێڤانێ بەرپەرێ ساخلەمی ل كوڤاراسنێلە دڤێ دیدارێ دا و دبێژیت:
نیشتەگەریێن جوانكاریێ پێك دهێن ژ دووبەشێن سەرەكی یائێكێ پێك دهێن ژ راستڤەكرنا هەرنەخوشیەكا زكماكی وەكو(شفت الارنب)هەروەسا گوهـ دەمێ ژدایك بوونێ تێك بچیتن و هەروەسان چاڤ و سەر و دەست ئەڤ چەندە چ ب ئەگەرێ زكماكی یان روودانەكێ هاتبنە روودان، بەشێ دووێ جوانكاریە كوبوڤان جهان ئەزئەنجام ددەم (دفن، گوهـ،چاڤ، سنگ، زك)
سنێلە:- بەهرا پتر خەلكێ مە جوانكاریا بوكیرا خو دكەن؟
كوردو:- بەهراپتر بو دفنێ خەلك دبێژیت جوانكاری بەلێ ئەڤە جوانكاری نینە نیشتەگەریێ ئەم بو دكەین وەك راستڤەكرن چ زكماكی ئەڤ ئەگەرە ل دەڤ پەیدا ببیتن یان روودانەكێ كو كركركا دفنا وی یا هەستیكا وی شكەستبیتن هەروەسان جهێ ب هێن ئینانێ (تنفیس)یان راكرنا جیوبا ئەم سێ نیشتەگەریان دئێك دەم دا دكەین، ئەڤە بودفنێ هەروەسان دهێن بوگوها و بو چاڤ قورمچینێ ژی ژ ئەگەرێ تەمەنی و هەروەسان بوسنگی ژی دهێن چ سنگی مازن بكەم یان بچیك بكەم و هەروەسان راكرنا چەرم و دوهنێ زێدە دناڤ زكی دا.
سنێلە:- بەهراپتر كیژ رەگەز سەرەدانا وە دكەن و ل كیژ ژی نە ؟
كوردو:- هەردوورەگەز سەرەدانامە دكەن و بەهراپتر دژیێ گەنجاتیێ دانە و پێهەل ئەز دشێم بێژم ل ژیێ(17سالیێ تا55)سالیێ دانە.
سنێلە:- پێچەوانا سالێن بەری نوكە خەلكێ مە رەوشەنبیریا ڤان جورە نیشتەگەریا بوچێبویە؟
كوردو:- روژ بو روژێ خەلك هشیار دبیت زانیاری پتر ل دەڤ پەیدا دبن و دخوینن چ ب رێیا ئەنترنێتێ پێزانینان وەردگرن داكو ب زانن ب چنە ل دەڤ كیژ نوژداری تایبەتمەندبیت دوی بواری دا لەورا دبێژم روژ بو روژێ خەلك ل سەر ڤان تشتان هەل بوویە كو گرنگیێ د دەنە لەش و دێمێ خو ، هەر چ روودانەك یان ئەگەرەكێ زكماكی رووبدەت ئێكسەر دهێن بوراستڤەكرنا وی جهی یێ بویە ئەگەرێ روودانێ.
سنێلە:- دكتور بوچی زوربەیا خەلكی بوراستڤەكرنا دێمێ خویان لەشێ خو سەرەدانا ژ دەرڤەی وەلاتی دكەن؟
كوردو:- راستی ئەم مللەتەكین زوی ب زوی مەباوەری ب خو نینە بەردەوام ئەم كەسێن بیانی ددانین ژخو چێتر دبیت ئەڤ چەندە ب زڤریتە وی ئەگەری ، لێ پا هەمووكەس دهوسا نینن گەلەك باوەری ب كارێ مە دهێت و سەرەدانێن گەلەك باش بومە هەنە بو هەركارەكێ وان دڤێت دهێتە ئەنجام دان.
سنێلە:- ئەرێ راستڤەكرنێ یان جوانكاریێ كارتێكرنا خو هەیە ل سەر ساخلەمیا مروڤی ل پاشەروژی؟
كوردو:-هیچ ئاریشە ل دوورونێزیك نینە ئەزدشێم بێژم ژلایەنێ دەروونی ڤە ئەوكەس دێ گەلەك هەست ب ئارامیێ كەت و هەروەسان دێ سڤك بیت و دێ ئارامتربیت ئەگەر ئێشا شەكرێ هەبیت دێ كێمترلێ هێت یان فشار هەبیت دێ پتر شێت كونترول كەتن ساخلەمیا وی دێ بەرەڤ پێشتر چیتن و هەروەسان ئەگەر نیشتەگەریا دفنێ كر دێ دێمێ وی جوانتر لێ هێت و دێ شێت لاوتر بهنا خوئینیت و بەت
سنێلە:-پەیڤا تە یا دووماهیێ دكتور؟
كوردو:-ئەزدێ شیرەتەكێ ل خەلكێ خویێ خوشتڤی كەم من دڤێت بێژم دڤێت مروڤ بەردەوام ئاگەهـ ژ ساخلەمیا خوهەبیت ، و بەری ب چنە ل دەڤ نوژداری ل سەر ئەنترنێتی زانیاریان وەرگری و هەروەسان تەپێزانین هەبن بەری ب چی یە دەڤ نوژداری و ئەزهیڤی دكەم ئەڤێ چەندێ ب گرنگی ڤە وەرگرن و سەرەدانا هەرنوژدارەكی ل دووڤ بسپوریا وی بیتن بونموونە دفن دڤێت سەرەدانا نوژدارێ جوانكاریێ بكەی
پترگرنگیێ ب ساخلەمیا خۆ بدە ژكارێ خۆ (پۆشە)
