شڤان عەبدولعزیز
ـ خەمگین دبم دەمێ سنێلەكی دبینم خودان شیانەوە و بەس ل دووڤ بەهرەیا خو ناچیت
ـ سەردەمێ مە وەك نوكە نەبو ژ بو دەست ڤەئینانا ئامیرێت موزیكێ
ـ مە بخو ئالەتێن موزیكێ چێدكرن ژ قودیكێت تەماتا
ـ موزیك ژەن (شڤان عەبدولعزیز) ل سالا 1986ل پارێزگەها دهوكێ ژ دایك بوویە دەرچویێ پەیمانگەها هونەرێن جوانە نوكە ماموستایە ل بنگەهێ زێوە و موزیك ژەنەكێ سەركەفتی و خودان شیانە د كارێ خویێ هونەری دامە ب فەر زانی دیدارەكێ دگەل سازبكەین
سنێلە/ موزیك ل دەڤ تە چی یە؟
شڤان: موزیك ئێك ژ سەرچاوەیێن گەلەك گرنگە بومن چاوا خوارن یا پێدڤی یە بو ژیانا رۆژانە ، موزیك ژی وەسا یا پێدڤی یە بو من ئەز نەشێم چ جورە هەست دەرببرم بەرامبەری موزیكێ
سنێلە/ ژبلی ئامیرێ كەمانێ تو چ ئامیرێ دی دژەنی؟
شڤان: بەری ئەز بچمە پەیمانگەهێ من ساز دژەنی و نوكە بسپوریا من ئامیرێ (كەمانێ) یە.
سنێلە/ پیشتەڤانێن تەیێن سەرەكی كی بوون دكارێ تەیێ هونەری دا؟
شڤان: خێزانا من و تایبەت برایێ من رێبەر.
سنێلە/ب رێكا موزیكێ مرۆڤ دشێت پەیاما خۆ ب گەهینت؟
شڤان: تا رادەیەكێ گەلەك باشە ل دووڤ كارێ خو و ل دووڤ شیانێن خو كار دكەم .
سنێلە/ تو پترحە ز دكەی بو كێ كاركەی؟
شڤان:ل دووڤ كاری دمینیت ئەز د خزمەت دامە بو هەر كارەكی َ
سنێلە/ ل بنگەهێ زێوە زاروك و سنێلە چ مفای ژبنگەهێ وە دبینین؟
شڤان: ل بنگەهێ زێوە زاروك و سنێلە گەلەك مفای دبینن و تایبەت ب هێنڤەدانا هاڤینێ چونكو خولێن ب مفا دهێنە ڤەكرن.
سنێلە/تە كارەك ئەنجام دایەل دووماهیا كارێ خو كو تو پەشێمان بویە دوی كاری دا؟
شڤان: نەخێر هەر كارەكی موزیكێ بكەم شیانێن خو تێدا بكار دئینم و پاشان ئەز دەست پێدكەم.
سنێلە/ تو داخباری كیش موزیك ژەنی؟
شڤان: ل كوردستانێ ئەز داخبارێ دلشاد محەمەد سەعیدم و ل جیهانێ ژی بێتهوڤن.
سنێلە/ئەو چ تشتە تە خەمگین دكەت و بەروڤاژی ؟
شڤان: خەمگین دبم دەمێ سنێلەكی دبینم خودان شیانە و ل دووڤ بەهرا خو نەچیت و هەروەسا بەروڤاژی كەیف خوش دبم دەمێ دبینم قوتابیەكێ من د ئاستەكێ بلند دایە.
سنێلە/تە ژیێ خو یێ سنێلەیێ چاوا بوراندی یە ؟
شڤان: ژ زاروكینیا خو من حەزا موزیكێ هەبو من ژیانا خو ب ئامیرێ موزیكێ ڤە د بوراند سەردەمێ مە وەكو نوكە ب دەست ڤەئینانا ئامیرێ موزیكێ ب ساناهی نە بو ل سەردەمێ مە ، مە بخو ئالەتێن موزیكێ چێ دكرن وەك قودیكێت تەماتا تێلێن تەلەفونا مە بخو دكرنە ئالەت هەتا پیچ پیچە مە ئالەت ب دەست خوڤە ئینان.
سنێلە/ ئەگەر سنێلەكی داخوازا هاریكاریێ ژ تە كر بو زانینا ئامیرێ كەمانێ دێ هاریكاریا وی كەی ؟
شڤان : چ پێنەڤێت دخزمەتا سنێلەی دامە.
سنێلە/ ژبلی كارێ تە یێ هونەری تو چ كارێن دی دكەی ؟
شڤان: بەس ئەز كارێ خویێ هونەری دكەم و هەروەسا دانانا پەیڤ و ئاوازا ژی دكەم.
سنێلە/ پەیڤاتە یا دووماهیێ بو كوڤارا سنێلە؟
شڤان: داخوازا سەركەفتنێ بو كوڤارا وەدكەم سەركەفتی بن.
هونەرێ پەیداكرناهەڤالا ئێكەژنەپەنیێن بەختەوەریێ (مەك گوریك)
