ل روژا پێنج شەمبی رێكەفتی ( 26-6-2014) ماموستا ( عبدالعزیز محسن عبدالرحمان ) سەروكێ ئنستتیوتا دهوك بو رەوشەنبیریا گشتی ل دهوكێ و هەر وەسا سەرنڤێسكارێ گوڤارا سنێلە سەرەدانا نوێنەراتیا حكومەتا هەرێما كوردستانێ دا ل ئیكەتیا ئەوروپا دگەل شاندەكێ بیانی ل گروپێ كومپانیا ( بی ئیكس ئیل ) ل وەلاتێ بەلجیكا فیدرال پشتی رێزدار ( دلاوەر ئاژگەیی 
و زانا و نەوزاد ) پێشوازیەكا گەرم ل ماموستایی كر و دانوستاندنەكا درێژ هاتە كرن ل سەر چەوانیا هاندانا كومپانیێن ئەوروپی بو هەرێما كوردستانێ دا كو ب كوالێتیەكا باش و نمونەیی پروژە بهێنە ئەنجامدان و دیسان بەحسێ رەوشا رەڤەندا كورد ل ئەوروپا كر و ( دلاوەر ئاژگەیی ) گەلەك كەیف خوشیا خو دەربری و گوت ئەم ب هەمی رەنگەكی پالپشتین و پشتەڤانین بو هەر كارەكێ خزمەتا كوردستانێ بكەت پاشان ژ لایێ ماموستایی ڤە تابلویەكا فلكلوری پێشكێشی نوێنەریا حكومەتێ كر كو ئەف تابلویە وێنەیێ (هەسپ) بو چونكە هەسپ رامانا . وەفا و هێز و بەردەوامیێ یە .
