* ئاینێ ئیسلامێ ب چاڤەكێ رێزگرتن بەرێ خو دایە ئاینێن دی
* ل زاخو ژی هەر دكەڤن دا پێكڤە ژیان هەبوویە و تا نوكە یا بەردەوامە
* دڤێت مروڤ سلاڤێ ژ هەموو ئاینان وەربگریت و سلاڤێ لێ بكەت
دیدار/سەفەر رەمەزان
پێكڤە ژیان هەر د كەڤن دا د ناڤ هەموو پێكهاتێن كوردستانێ دا پەیدا بوویە هەتا نوكە ب گیانێ رێزگرتنێ و ئێك دوو قەبوول كرن هاتیە پاراستن لەورا بو پتر دوڤ چوونا ڤێ پێكڤە ژیانێ د ناڤ تەخا سنێلە یان دا. مە بو چوونا ماموستا و پێشنڤێژێ مزگەفتا(چەم كورك ) (كاوە معاوی محەمەد) ئاكنجیێ باژێرێ زاخو وەرگرت .
سنێلە/ئاینێ ئیسلامێ چەوا پێكڤە ژیانێ پیناسە دكەت ؟
كاوە: د ئاینێ ئیسلامێ دا پێكڤە ژیانێ ئەم د شێن هوسا دیار بكەین جوداهیا د ناڤبەرا ئاینێ ئیسلامێ و ئاینێن دی نینە ئێك تشت هەیە ئەو ژی (تەوحیدا خودێ) یە هەروەسا ئاینێ ئیسلامێ 
ب چاڤەكێ رێزگرتن بەرێ خو دایە ئاینێن دی.
سنێلە /ب دیتنا تە ل كوردستانێ پێكڤە ژیان ب گشتی د چ ئاست دایە و ب تایبەت ل قەزا زاخو ؟
كاوە: ب دیتنا من ب گشتی ل كوردستانێ پێكڤە ژیان د ئاستەكێ بلند دایە چونكە د ئاینێ ئیسلامێ دا زۆرداری نینە هەموو وەكو برا پێكڤە دژین هەروەسا ل زاخو ژی هەر دكەڤن دا پێكڤە ژیان هەبوویە و هەتا نوكە یا بەردەوامە د پیكهاتێن هەموو ئاینان دا پشكدارێن د خوشی و نەخوشیێن ئیك و دوو دا دكەن بێ جوداهی .
سنێلە /ئەرێ یا گرنگە ب دیتنا تە پەرتوكەكا خواندنێ ب ناڤێ پێكڤە ژیانێ هەبیت بو قوتابخانا و زانكویان بهێتە خواندن ؟
كاوە: چ پێ نەڤێت یا گرنگە ب تایبەت ل قوتابخانان چونكە د ماوێ ژییێ زاروكینی یان سنێلەیی تو چ بكەیە د میشكێ وی دا دێ ب وی شێوەی هێتە پەروەردە كرن چونكە د پێكڤە ژیانێ دا گەلەك ئەنجامێن باش دێ د پشرا چێ بن .
سنێلە/حكومەتا هەرێمێ چ كار بكەت دا هەستا پێكڤە ژیانێ ل دەڤ سنێلان پتر پەیدا ببیت؟
كاوە: پێدڤی یە ل سەر حكومەتا هەرێمێ سەنتەرێن گرێدایێ ب رەوشەنبیركرنا گەنجان و سنێلە یان ل سەرجەم دەڤەرێن كوردستانێ ڤەكەت و بابەتێن لێبورین و پێكڤەژیانێ تێدا بهێنە بەحسكرن د ژیێ هەر سێ ئولو نەتەوە یان دا هەروەسا یا گرنگە ل قوتابخانا ژی بهێتە بەحسكرن.
سنێلە /ئاینێ ئیسلامێ چەوا بەرێ خو دایە (سلاڤ )كرنێ بو كەسێن ئاینێن دی ؟
كاوە: دڤێت مروڤ سلاڤێ ژ هەموو ئاینان وەربگریت و سلاڤێ لێ بكەت هەروەسا د قورئانا پیروز دا هاتیە (لااكره فی الدین قد تبین رشد من الغی ) رامانا وێ نینە زورداری د دنیایێ دا پشتی راستی دیار بیت ژ خەلەتیێ .
ئەو كەسێ ب ئەركێ خۆ یێ جڤاكی نە رابیت ، دێ مافێ خۆ وندا كەتن(خیابانی)
