به‌رنامێ گه‌نج و پاشه‌رۆژ ( راديو )

گه‌نج و پاشه‌روژ چاڤه‌كه‌ ل سه‌ر پاشه‌روژێ‌ و په‌نچه‌ره‌كه‌ تیروژكێ‌ د به‌رده‌ته‌ سه‌ر هه‌موو ئاریشه‌ و ئاسته‌نگ و ئالوزیێن دبنه‌ به‌ربه‌ست د رێكا گه‌هشتنا روناهیێ‌ یان شێواندن و شوولیكرنا روناهیێ‌ د ژیانا گه‌نجان دا ، پێخه‌مه‌ت دینامویێن گوهرینێ‌ د كارێن خودا به‌رده‌وام بن و هه‌ر د روناهیێ‌ دا بن ، هه‌روه‌سا گه‌نج و پاشه‌روژ هێڤێنه‌ و ئاماده‌یه‌ د ناڤ هه‌موو خوشی و شادیێن گه‌نجان دا و پشته‌ڤان و هاریكاره‌ ل هه‌ر به‌هره‌یه‌كا گه‌نجان د هه‌موو بواران دا و ژ بۆی ئاڤاكرنا پاشه‌روژه‌كا گه‌ش بۆ گه‌نجان ، ئه‌ڤ به‌رنامه‌ ل سالا ( 2005- هه‌تا2012  ) واته‌ ( 8 ) سالان حه‌فتیانه‌ ب ره‌نگه‌كێ‌ زیندی ئانكو ( 368 ) خه‌له‌ك لێ‌ هاتینه‌ پێشكه‌شكرن ل رادیویا دهۆك و ب چاڤدێریا ( ئنستتیوتا دهۆك بۆ ره‌وشه‌نبیریا گشتی ) كو حه‌فتیانه‌ ب سه‌ده‌ها گه‌نجان چاڤه‌رێ‌ بوون و مفایه‌كێ‌ زیده‌ مه‌زن لێ‌ وه‌ردگرتن