چالاگێ»»
بەرفرەھبوونا ھەر کارەکێ ژ ئەنجامێ ئارمانج و پلان و رێکخستن و ئاراستەکرن و ھەلسەنگاندن و دووڤچوون و کونترولکرنا ئەرێنی یە ، ئەوا مە دڤێت بەحس بکەین کو ئنستتیوتا دھۆک بۆ رەوشەنبیریا گشتی د ماوێ چوویی دا رۆژ ب رۆژێ کارێ خو ب تایبەت د خزمەتا ئافرەت و کچان بەرفرەھکریە و دێ ھێشتا ژی 
بەرفرەھتر بیت ، بۆ نموونە سەنتەرەکێ دی بناڤێ (سەنتەرێ شاناز یێ جڤاکی بۆ ئافرەتان ل کەمپا کەبەرتو ٢) ب بەرنامەیەکێ نوو د خزمەتا ئافرەت و کچێن ئاوارەدا دناڤ کەمپێ دا ھاتەڤەکرن کو د ماوەیەکێ گەلەک کورت دا شیا سەرسورمانەکێ ل دەڤ خەلکی پەیدا بکەت و چەند چالاکیێن نموونەیی ئەنجام داینە مینا :
١/ ڤەکرنا دوو (٢) خولێن کوافێریێ بۆ (٥٠) ئافرەت و کچان کو ھەر (٢٥) ژ وان د دوو دەمژمێرێن ژێکجودا دا دھاتنە ب رێڤەبرن و وانێن تیوری و پراکتیکی ژلایێ راھێنەرێن شارەزاڤە دھاتنە ئەنجامدان ئەڤی سەنتەری شیا ڤان چالاکیان ھێشتا باشتر بێخیتە د خزمەتا ئافرەت و کچان دا و ستافێ سەنتەری ئەڤ چالاکی یە ئەنجام داینە:
١- شووکرنا بلەز ژلایێ (نسرین خانێ) وەکو ڤەکولەرا جڤاکی بۆ چەند ئافرەت و کچان ھاتە شلوڤەکرن بۆ ھندێ ئەو کچێن دناڤ کومپێ دا مفای ل ئەڤی بابەتێ جڤاکی وەربگرن ، چونکە دخزمەتا پاشەرۆژا وان دایە . پشکدار گەلەک دلشاد بوون.
٢- رەوشەنبیریا ساخلەمیا دەروونی و ھزرا ئەرێنی و خیانەتا ھەڤژینیێ ژلایێ (ئەڤین محمد) کارمەندا جڤاکی و ڤەکولەرا دەروونی رۆژانە بۆ کومەکا ئافرەت و کچان دھاتنە بەحسکرن و شروڤەکرن و د ئێخستنە بەر دان و ستاندنێ بۆ ھندێ باشترین مفا و زورترین زانیاری ل دوور ئەڤان بابەتان بگەھینتە پشکداران ئەڤ بابەتە بۆ جارا ئێکێ نە دھێنە بەحسکرن دناڤ کەمپا کەبەرتو ٢ دا ژبەر ھندێ ژی جھێ سەرسورمانێ و دلخوشیێ و دلشاد یێ بوون دیسان چەند بەریکانە رۆژانە بۆ کچان ب دانا پێزانینان و لڤینێن لەشی کو ئەڤەژی بۆ جارا ئێکێ نە دناڤ کەمپێ دا دھێنە ئەنجام دان
ھەر دیسان روونشتنێن (جڤاکی و دەروونی) وەکو حالەتێن تایبەت سەرەدەریەکا گونجایی و ئەکادیمی دگەل دا ھاتینە کرن و ئەوا پێدڤی بوی بەرنامە ل دووڤ تایبەتمەندیێ بۆ ھاتینە دانان
ھەر دیسان درێکا تیم لێدەر و (١٠) خوبەخشێن راھێنەر پێکری دا ل دووڤ دابەشکرنا کەمپێ سەرەدانێن مەیدانی بۆ ناڤ خیڤەتان ، داکو ل نێزیک رەوشا ئافرەت و کچان بزانن و پەیاما سەنتەری بگەھینە وان داکو ئەوژی ب بەردەوامی قەستا سەنتەری بکەن بۆ ھندێ سەنتەر ژی ب بەردەوامی خزمەتا وان بکەتن.
ھەژی گوتنێ یە کو سەنتەرێ شاناز یێ جڤاکی بۆ ئافرەتان ل کەمپا کەبەرتو ٢ سەر ب ئنستتیوتا دھۆک بۆ رەوشەنبیریا گشتی یە و سندوقا نەتەوێن ئێکگرتی بۆ دانیشتوان سپونسەریا چالاکیان دکەت د خزمەتا ئافرەت و کچێن ئاوارەدا.
راگەھاندنا
ئنستتیوتا دھۆک بۆ رەوشەنبیریا گشتی
نەڤ بابەتە (0) جارا هاتيە خواندن
