چالاگێ»»
رێكخراوا (DIGC) سه‌نته‌رێ شاناز یێ جڤاكی یێ ئافره‌تان ل زاویته ب چاڤدێری و هاریكاری یا رێكخراوا (UNFPA)یا نیڤ ده‌وله‌تی به‌رده‌وام سه‌ره‌دانێن مه‌یدانی بو گوندێن ناحیا زاویته‌ی ده‌وروبه‌ر دكه‌ن و لنزیك ل ژیانا وان و بارێ وان یێ جڤاكی و ده‌روونی دنێرین. دڤێ حه فتیێدا مه به‌رده‌وامی ب كارو چالاكیێن خودا و ئه‌م وه‌ك تیما كاری رابوین ب ڤه‌كرنا خولا فێركرنا زمانێ عه‌ره‌بی ل بانیێ و هه‌روه‌سا مه به‌رده‌وامی ب سه‌ره‌دانێن مه‌یدانی كر و سمینارێن هه‌مه‌جور هاتنه گوتن ژ لایێ تیما كاریڤه.
چالاكی یا ئیكێ:
ڤه‌كرنا خولا فێركرنا زمانێ عه‌ره‌بی:
ل دیڤ پلانێن دارێژتی و حه‌فتیانه مه ده‌ست بڤه‌كرنا خولا فێركرنا زمانێ عه‌ره‌بی كر بو (25) كچ و ژنێن ئاواره و ئه‌ڤ خوله بو ماوێ پێنج روژان یا به‌رده‌وام بوو و روژانه بو ماوێ دوو ده‌مژمێران هه‌ر ژ ده‌مژمێر 10:00 سپێدێ تا 12:00 نیڤرو وانه بشێوه‌یه‌كێ په‌روه‌رده‌ی و تێگه‌هشتیانه د هاتنه گوتن ژ لایێ (ماجد محمد) و (امنه فواد) و بابه‌تێن سه‌ره‌كی ئه‌ڤه یوون(فێربوونا پیتان—خودانه نیاسین و سلاڤ و چه‌ند په‌یڤێن پێدڤی دژیانا روژانه‌دا.
چالاكی یا دووێ:
سه‌ره‌دانێن مه‌یدانی:
ئێك ژ به‌رنامێن مه ئه‌وه كو د رێكا خوبه‌خشان دا ئه‌م نامه و په‌یاما سه‌نته‌ری بگه‌هینه زێده‌ترین ئافره‌ت و كچان داكو قه‌ستا سه‌نته‌ری بكه‌ن. تیما مه و خوبه‌خشێن سه‌نته‌ری و دگه‌ل تیم لێده‌ران قه‌ستا ناڤ خیڤه‌ت و هه‌یكه‌لان دكه‌ن دكومه‌لگه‌هێ داكو ژ نێزیك مه ئاگه‌ه ژ ره‌وشا ئافره‌ت و كچان هه‌بیت. و مه سه‌ره‌دانێن مه‌یدانی بو گوندێ نزاركێ برن و ل نزیك ل ره‌وشا وان نێرین.
چالاكی یا سێ یێ:
هه‌ما هه‌نگی دگه‌ل رێكخراوا:
دڤێ حه‌فتیێدا مه هه‌ما هه‌نگی دگه‌ل رێكخراوا (Zahrira light of hope) هه‌بوو و مه پێكڤه سه‌ره‌دانا گوندێ (ئێمینكێ) و كلر و چه‌ند هاریكاری پێشكێشی ئاواران كرن و هژماره‌یه‌كا كه‌ل و په‌لان لسه‌ر وان دابه‌ش كرن (خارن , گاز, و جل و به‌رگ).
چالاكی یا چوارێ:
پێكێشكرنا سمیناران:
دڤێ حه‌فتیێدا چوار سمینارێن هه‌مه‌جور هاتنه گوتن ل گوندێن (بانیێ و نزاركێ) ژ لایێ ( نێرگز جبرائیل) و ( ماجد محمد) و (ئه‌ڤین حفڤ الله ) بو كچ و ژن و زاروكان لسه‌ر بابه‌تێن (به‌خته‌وه‌ری و ساخله‌می یا ده‌روونی و خوپاراستن ژ نه‌خوشی یان و كه‌یفخوشی یا زاروكان).
چالاكی یا پێنجێ:
كومبونێن ستافێ كاری:
ل دووڤ پلانێن دارشتی یێن حه‌فتیانه كومبونا ئاساییا ستافێ كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و لاواز و تێبینی و پشنیار بو سه‌ركه‌فتنا كاری) له‌ورا ل روژا (پێنج شه‌مبی) رێكه‌فتی (14-1-2016) كومبونا ئاساییا سه‌نته‌ری ب ئاماده‌بونا ستافی و ب سه‌رپه‌رشتیا (ڤیان شمال ) وه‌كو رێڤه‌به‌را سه‌نته‌ری بو ماوێ ده‌مژمێره‌كێ ل هولا سه‌نته‌ری هاتیه ئه‌نجام دان. وب كورتی ناڤه‌روكا كومبونێ ژ ئه‌ڤان خالێن ل خوارێ پێك هاتبوون:
1- گرنگی یا كاری و دیاركرنا كێم و كاسیان.
2-خو به‌رهه‌ڤكرن ژبو ئاماده‌كرنا سمیناران.
3-چاوانی یا برَڤه‌برنا كاری د سالا نی دا.
-هه‌ژی گوتنێ یه ئه‌م شیاین هه‌موو تێبینیان گه‌نگه‌شه بكه‌ین و پێكڤه بگه‌هینه هنده‌ك خال و بریاران د خزمه‌ت و ئافره‌ت و كچێن ئاواره ل سنورێ سه‌نته‌ری دا.
_پێشنیار بو پێشئێخستنا كاروبارێن سه‌نته‌ری:
ئه‌م پێشنیار دكه‌ین كو( پتر گرنگی ب خوبه‌خشان بهێته دان و كه‌لوپه‌لێن پێدڤی بو خولان بهێنه دابینكرن و گرنگی ب جهێ كاری بهێته دان و دیڤچوون هه‌بیتبو و په‌یداكرنا كه‌ل و په‌لان یێن ئاواره داخازدكه‌ن).
-دوماهیك:
ئه‌م پێكڤه هه‌ول بده‌ین باشترین كارو خزمه‌ت پێشكێشی خه‌لكی و ئاواران بكه‌ین چونكه خزمه‌تكرنا وان ئه‌ركه‌كێ مروڤایه‌تی و ره‌وشتی یه و دڤێت ئه‌م هه‌می ل سه‌ر به‌رده‌وام بین.
دگه‌ل رێزگرتنێ
راگه‌هاندنا
ئنستتیوتا دهوك بو ره‌وشه‌نبیریا گشتی
نەڤ بابەتە (0) جارا هاتيە خواندن
