سه‌نته‌رێ شاناز یێ جڤاكی ل كه‌به‌رتو2 به‌رده‌وامه ل سه‌ر پێشكێشكرنا خزمه‌تێن ده‌روونی و جڤاكی بۆ ئاواران.
سه‌نته‌رێ شاناز یێ جڤاكی ل كه‌مپا كه‌به‌رتو 2 كو سه ر ب( ئنستتیوتا دهۆ ك بو ره‌وشه‌نبیریا گشتی) ( DIGC) یه به رده‌وامه لسه ر پێشكێشكرنا خزمه‌ت و كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه نته ر شیایه چه‌ندین چالاكین جودا جودا د خزمه‌تا ئاواران دا ئه نجام بده ت مینا.
*چالاكیا ئێكێ :
-سمینار :
أ-ئه‌ڤ سمیناره ل روژا( ئێك شه‌مبی ) ل رێكه‌فتی(13/3/2016 )ل ده‌مژمێر1:30 ی هاته ئه‌نجامدان و سمیناره‌ك ل دوور(هزرا ئه‌رێنی )ژلایێ (ئامینا هشیار) كارمه‌ندا ده‌روونی ڤه هاته پێشكێشكرن پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1هزرا ئه‌رێنی چیه و چه‌وانیا هزرا ئه‌رێنی بۆ ئاماده‌بویان هاته به‌حس كرن.
2-هه‌روه‌سا به‌حسێ رێكێن هزرا ئه‌رێنی هاته كرن و ئه‌گه‌ر هزرێن ته د ئه‌رێنی بن دێ به‌خته‌وه‌ربی و بێچه‌وانه‌ی هزرێن خه‌له‌ت دێ ته به‌ره‌ڤ ره‌شبینییێ ڤه به ن
3- هه‌روه‌سا و ل دوماهییێ ژی دان وستاندن و چه‌ندین نمونه ل سه‌ر بابه‌تی هاتنه به‌حس كرن ژلایێ ئاماده بویان ڤه.
_____________________
*چالاكیا دووێ:
– سه‌ره‌دانێن مه‌یدانی:
ئێك ژ به‌رنامێن مه ئه‌وه كو درێكا خۆبه‌خشاندا ئه‌م نامه و په‌یاما سه‌نته‌ری بگه‌هینه خه‌لكی داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه تیمێن مه ئانكو (خوبه‌خشێن ) سه‌نته‌ری و دگه‌ل تیم لێده‌ران قه‌ستا ناڤ خیڤه‌تان دكه‌ن داكو ژ نێزیك هایداری ره‌وشا ئاواران ببین و ئه‌ڤ به‌رنامه ل رۆژ (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی 13/3/2016تاكو 17/3/2016 سه‌ره‌دانا(50)مالان كرینه و (255) كه‌س دیتینه ژوانا (124) ره‌گه‌زێ نێر بوون و (131) ره‌گه‌زێ مێ بوون و په‌یام و ناما سه‌نته‌ری گه‌هاندینه وانا و داخواز ژ وانا كرینه كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه دهێنه پێشوازیكرن و رێزه‌كا مه‌زن ل وان دهێته گرتن.
_________________________
*چالاكیا سییێ:
سه‌ره‌دانێن سه‌نته‌ری :
ل سه‌نته‌رێ مه توماره‌ك هاتیه دروستكرن یا تایبه‌ته ب وان كه‌سێن سه‌ره‌دانا سه‌نته‌ری دكه‌ن ب هه‌ر مه‌ره‌مه كێ بیت و پێشوازی ل وان دهێته كرن و ناڤێن وان دهێنه توماركرن له‌وا ل روژا ( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی (13/3/2016) تاكو (17/3/2016) ( 35 )كه‌سان سه‌ره‌دانا سه‌نته‌ری كرینه ب مه‌ره‌مێن جودا جودا (توماركرنا ناڤێن خو بۆخولا ) و (پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان) دا.
______________________
*چالاكیا چارێ:
-كومبوونێن ستافێ كاری.
ل دووڤ ئه‌جندایه‌كا پێش وه‌خته حه‌فتیانه كومبونا ئاسایا ستافی كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له ورا ل روژا (پێنج شه‌مبی ) ل رێكه‌فتی(17/3/2016 ) كومبونا ئاسایا سه‌نته‌ری ب ئاماده‌بونا ستافێ كاری و ب سه‌رپه‌رشتیا (رڤین رشید) وه‌كو رێڤه‌به‌را سه‌نته‌ری ل ده‌مژمێر (10:00 تا11:00 ) ل هولا سه‌نته‌ری هاتیه ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله بون :
1_ چه‌وانیا باشتر كاركرنێ ژبۆ خزمه‌تكرنا ئاواران ل سنورێ كه‌مپا كه‌به‌رتو2.
2_ هه‌روه‌سا دڤێ كومبونێدا چه‌ندین بریار هاتنه‌دان كو گرێدای ب كارو چالاكی و خزمه تێن مه‌ڤه ,دیسان چه‌وانیا ئه‌نجامدانا خولان و پێشكیشكرنا سمینارێن جوراو جور ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری.
3_ هه‌روه‌سا هایداربوون ژ ره‌وشا ئاواران دناڤا كه‌مپا كه‌به‌رتو 2 دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده‌ر و خوبه‌خشێن مه‌دا, هه‌روه‌سا توماركرنا ناڤ و داخازێن وان.
___________________________
*چالاكیا پێنجێ :
روونشتن دگه‌ل حاله تێن ده‌روونی :
د ئه‌ڤێ حه‌فتیێ دا ئه‌م شیاینه (1) حاله‌تێ ده‌روونی ببینین و رینشتنێن بتنێ ژلایێ كارمه‌ندا ده‌روونی ڤه بۆ بهێنه كرن داكو ره‌وشاوان ئارامترببیت بشێن باشتر خزمه‌تا وان بكه‌ین, چونكه خزمه‌تكرنا ئافره‌ت و كچێن ئاواره ئه‌م ب ئه‌ركێ خو دزانین.
*چالاكیاشه‌شێ :
سه‌ره‌دانێن شاندان بۆ سه‌نته‌ری :
دڤێ حه‌فتییێ دا ل روژا (سێ شه‌مبی ) رێكه‌فتی (15/3/2015) ل ده‌مژمێر (1:30) ( ژیان عبدالله ) دگه‌ل ستافێ خو ژ (سه‌نته‌رێ گه‌نجێن دهوكێ) ب مه‌ره‌ما (زانینا كارو چالاكی و خزمه‌تێن دهێنه پێشكێشكرن ل سه‌نته‌رێ مه و هه‌روه‌سا ب مه‌ره‌ما ئه‌نجام دانا چالاكیه‌كا ته‌رفیهی كو تێدا چه‌ندین چالاكیێن جوراوجور هاتنه ئه‌نجام دان ) سه‌ره‌دانا سه‌نته‌رێ مه‌كر پشتی بخێرهاتنێ و پێشوازیكرنا وان مه به‌حسێ (كارو چالاكی و خزمه‌تێن سه‌نته‌رێ خو كرن هه‌روه‌سا وان ژی به‌حسێ كارو چالاكیێن خو) كرو پشتی گه‌نگه‌شه‌كا دوور و درێژ مه بریاردا كو ( هاریكاربین دگه‌ل ئیك داكو بشێن پێكڤه باشتر خزمه‌تا باشتر بكه‌ین ) ئه‌نجام ده‌ین , هه‌ژی گوتنێ یه د ئه‌ڤێ سه‌ره‌دانێ دا ئه م هه‌ردولا مفاداربووین.
*چالاكیا حه‌فتێ:
ئه‌نجام دانا رینشتنێن خاڤبونی (جلسه استرخاء):
ژبو ئارامبونا ده‌روونێ ئافره‌ت و كچان ل سه‌نته‌رێ شاناز ل كه‌به‌رتو 2 ل روژا ئێك شه‌مبی رێكه‌فتی (13/3/2016) رینشتنه‌كا خاڤبونی هاته ئه‌نجام دان ژلایێ(ئامینا هشیار) كارمه‌ندا ده‌روونی كو تێدا چه‌ندین لڤینێن جوراوجور هاتنه ئه‌نجام دان و بۆ جهێ دلخوشیا به‌ژداربوویان.
*دوماهیك :
ئه‌م پێگڤه هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه خزمه‌تكرنا وان ئه‌ركه‌كێ مروڤی و ئه‌خلاقی یه‌و دڤێت ئه‌م هه‌موو ل سه‌ر به‌رده‌وام بین هه‌ژی گوتنێ یه كو ئه ڤ پروژه ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته ئه‌نجامدان
راگه‌هاندنا
ئینستتیوتا دهۆك بۆ ره‌وشه‌نبیریا گشتی
