ل ژێر دروشمێ (ئەم ھەموو ژ ئێک و دوو فێر دبین) و ژبۆ بەرژەوەندیا گشتی و پێشئێخستنا کەسایەتی ئەڤرول ئنستتیوتا دھۆک بۆ رەوشەنبیریا گشتی (١٢/٤/٢٠١٦) بازنەیا رەوشەنبیری ب بابەتێ (باوەری دناڤبەرا ھەڤالان) دا ژلایێ (ھەلز عەباس) به‌رپرسا کارگێری و داراییا کوڤارا سنێلە ڤە ھاتە برێڤەبرن.
ھەلزێ بەحس ل گرنگیا باوەریا ھەڤالینێ و ھەلبژارتنا ھەڤالان و ڤەگوھاستن و ئاشکەراکرنا نھێیان کر, دیسان ژلایێ دەرونی ڤە ژی بەحس لێ ھاتە کرن, ل دووڤ دا ژلایێ ھەڤالان گەنگەشە ل سەر بابەتی ھاتە کرن و ئەڤ ئەنجامە ژێ دەرکەفتن:
-پێدڤی یە دەسپێکێ بزانی ئەو ھەڤالێ تە ھەلبژارتی دێ جھێ باوەریێ بیت.
-باوەری د دەستێ مە بخودایە و ئەم دشێین باوەریێ بۆ ھەڤالێن خۆ دروست بکەین.
-گوتنا نھیێن ھەڤالان کێماسیە و کەسایەتیا مرۆڤی دئینیتە خوار.
-ھەڤالێ خو تاقی بکە و سەربورێ ژێ وەرگرە.
-راستگویی باوەریێ زێدە دکەت.
-ئارمانج دڤێت د باوەریا ھەڤالینیێ دا ھەبیت.
-پێدڤی یە خۆ ژ ھەڤالێ خۆ مەزنتر نەدانین.
-نابیت نھێنیێن خۆ ب ئێکجاری بۆ ھەڤالێن خۆ بدەینە دیارکرن.
ل دووڤ دا مە راپرسینەک ئەنجام دا ل سەر ڤان پرسیاران:
*ئەرێ ب شێوەیەکێ گشتی تە باوەری ب ھەڤالێن خۆ ھەیە؟
٨٣% =بەلێ. .. ١٧% نەخێر
*ئەرێ تە باوەری ب ھەڤالەکێ خۆ ھەبویە و باشان ئەو باوەریە ھاتیە شکاندن؟
٧٥% بەلێ. .. ٢٥% نەخێر
