Duhok-DIGC ئنستتیوتا دهوك بۆ ره‌وشه‌نبیریا گشتى
رۆژنامه‌ڤانى دهێته هژمارتن ژ گرنگترین دیاردێن دیار بۆ دیموقراتیێ, و هه‌بوونا وێ نموونه‌كه ژ نموونێن ژیانێ, رۆژنامه‌ڤانیێ روله‌كێ ئه‌كتیڤ و گرنگ هه‌یه كو ده‌ربرینێ ژ هزرێن خه‌لكى دكه‌ت, و هه‌ر ئاریشه‌كا د ژیانا وان دا, و هه‌موو وان پێشبینیان و چاره‌سه‌ركرنان به‌رچاڤ دكه‌ت یێن كو گرێدان ب جڤاكى و ده‌ستهه‌لاتێ و خه‌لكى ڤه هه‌ین, رۆژنامه‌ڤانیێ رۆله‌كێ باش د گه‌له‌ك وه‌لاتێن جیهانێ دا هه‌یه بۆ ئاڤاكرنا وه‌لاتى و رێگیریكرن ل نه‌خۆشییا و ژناڤبرنا گرێبه‌ستان ژ پێخه‌مه‌ت خه‌لكى خۆ, رۆژنامه‌ڤانى د سه‌رده‌مێ رژێمێ دا روله‌كێ نه‌رێنى هه‌بوویه ژبه‌ركو حكومه‌تێ ده‌ست بسه‌ر ده‌زگه‌هێن رۆژنامه‌ڤانیێ گرت بۆ و ژ ئازادیا پێنوسى دوورئێخست بوون و چ تشته‌كێ راست نه‌دگۆت, لێ پشتى ژناڤچوونا رژێمێ رۆژنامه‌ڤانیێ رۆله‌كێ به‌رچاڤ دیت و عیراق بۆ ئێك ژ وه‌لاتێن ده‌ستپێكى د بوارێ راگه‌هاندنێ دا ژبه‌ركو گه‌له‌ك ژ راگه‌هاندكارا ده‌رباره‌ى راگه‌هاندنا شه‌رى و دناڤا شه‌رى دا گیانێ خۆ ژده‌ست دا, و بوونه قوربانیێن په‌یڤا ئازاد, ڤێ چه‌ندێ وه‌كر ترس ل ده‌ڤ چه‌ندین راگه‌هاندكاران بمینیت و ئێدى نه‌شێن ب ئازادانه هزرا خۆ ده‌رببرن, ل سه‌ر راگه‌هاندكارا هاته په‌سه‌ند كرن كو ببنه ئێك ژ كومێن سیاسى و د به‌رژه‌وه‌ندیا خۆدا بنڤیسن, ل ڤێره ل سه‌ر حكومه‌تێ پێدڤى بۆ پارێزیێ ژ مافێن وان رۆژنامه‌ڤانان بكه‌ت و رێكێ بده‌ته ده‌زگه‌هێن راگه‌هاندنێ ب ئازادانه ده‌ربرینێ ژ هزرا خۆ بكه‌ن بێ ترس, و خه‌لاتێن رێزلێنانێ ب وان رۆژنامه‌ڤانان بهێنه دان یێن كو راستیا دیار بۆ خه‌لكێ ڤه‌گوهێزن, لڤێره مه دڤێت رۆژنامه‌ڤانیا مه گرنگترین رول هه‌بیت و یا ئازاد بیت ژبۆ هندێ هه‌ر راستیه‌كا هه‌بیت بهێته ئاشكه‌راكرن ئه‌ڤه هه‌موو ژ بۆ به‌رژه‌وه‌ندیا گشتى.
به‌رهه‌ڤكرن : بێریڤان جه‌مال
