راوه‌ستیان ل سه‌ر هه‌ڤسه‌نگیا گوتن و كریاران دا ، خواندنه‌ك بۆ دیدارا سه‌ر به‌ست تروانشى به‌رپرسێ لقێ ئێك

عبدالعزیز محسن بارزانى
نڤیسكار و رۆژنامه‌ڤان
د رۆژناما ئه‌ڤرودا به‌رپه‌رێ دوویێ و ژمارا (2082)ل رۆژا پێنج شه‌مبى و رێكه‌فتى (30/3/2017) دیداره‌ك هاتیه‌ ئه‌نجام دان دگه‌ل رێزدار (سه‌ربه‌ست تروانشى) به‌رپرسێ لقێ ئێك یێ پارتى دیموكراتى كوردستان.
پشتى من ئه‌ڤ دیداره‌ زێده‌تر ل جاره‌كێ خواندى گه‌له‌ك سه‌رنجا من راكێشا ، چونكه‌ گه‌له‌ك ئاخفتن ئه‌و بوو ئه‌وا گه‌له‌ك جاران نیڤا دلێ من هه‌وار دكه‌ت ، لێ كێم كه‌س هه‌بووینه‌ گوهداریێ بۆ بكه‌ن.
من دڤێت ببێژم ڤه‌كرنا ده‌رگه‌هى ل خه‌لكى ژلایێ به‌رپرسێ لقێ ڤه‌ چاره‌سه‌ركرنا (30 %) ژ داخوازى و ئاریشێ یه‌ ، رێزگرتن(30%) دێ چاره‌سه‌ر كه‌ت ، گوهداریكرن (30 %) دێ چاره‌سه‌ركه‌ت بتنێ (10%) دێ مینیت ل گوور باوه‌ریا من ژى چجاران (10%) نابیته‌ ئاریشه‌ به‌لكو ب لێك تێگه‌هشتنێ ئه‌وژى چاره‌سه‌ر دبیت ، واته‌ خه‌لك و حزب دێ بنه‌ دوولایه‌نێن پێگڤه‌ گرێدایى كو ئه‌ڤه‌ راستیا رێبازا پیروزا بارزانیێ نه‌مره‌ . د پرسیارا ئێكێ دا د ئه‌ڤێ دیدارێ دا به‌حسێ وه‌رگرتنا پۆستێ به‌رپرسێ لقێ و به‌رنامه‌ و چالاكیێن وى دكه‌ت ؟
سه‌ربه‌ست تروانشى دبێژیت ل به‌راهیێ به‌ژنا خو ل هه‌مبه‌رى گورێن شه‌هیدان د چه‌مینم و رێز و ته‌قدیرێن مه‌زن بۆ كه‌س و كارێن وان .
ده‌مێ من خواندى كو ل ده‌ستپێكێ ناڤبرى خو بۆ گورێن شه‌هیدان د چه‌مینیت ئه‌ز زێده‌ زێده‌ دلخوش بووم ، چونكه‌ هه‌ر ده‌مێ مه‌ شه‌هید و قاره‌مانێن خو ژبیركرن ب پشت راستى ڤه‌ دێ بێژم وى ده‌مى حوكومرانیى دێ كه‌ڤیته‌ به‌رگومان و تێبینیان و كه‌س و كارێن وان شه‌هیدان ژى هێدى هێدى دێ خو ل بازنا حزبایه‌تیێ دوور كه‌ن ، چونكه‌ دێ بێژن ماده‌م شه‌هیدبوونا باب و برا و زه‌لام و كه‌س و كارێن مه‌ بهێنه‌ ژبیركرن ئه‌م نه‌ چار نینه‌ ل سه‌ر رێبازا وان به‌رده‌وام بین و چونكه‌ ئه‌م ژى دێ هێینه‌ ژبیركرن.
ژبه‌ر هندێ خو چه‌ماندن بۆ گورێن شه‌هیدان ب هه‌موو باوه‌رى ڤه‌ ، ئه‌ڤه‌ مه‌زنترین سه‌رمایه‌ یه‌ و دێ رۆژ ب رۆژێ خه‌لك ل بازنا حزبى خو نێزیك كه‌تن و دێ د به‌رهه‌ڤ بین كو هه‌ر ده‌مه‌كێ خو گورى بكه‌ن.
له‌ورا دڤێت ئه‌م هه‌موو گه‌له‌ك ب باشى بزانین ده‌مێ ل ده‌ستپێكا هه‌ر چالاكى و دان و ستاندنه‌كێ ده‌قیقه‌كێ ل سه‌ر گیانێ پاكێ شه‌هیدان رادوه‌ستین وى ده‌مى قاره‌مانى و به‌رخودان و خو راگرى و ئیراده‌ و خزمه‌تكرنا كه‌س و كارێن وان هه‌موو پێگڤه‌ بهێنه‌ بیرا هه‌ر كه‌سه‌كێ ، چونكه‌ ئه‌گه‌ر ئه‌م دوهى نه‌خوینین بۆ ئه‌ڤروكه‌ چجاران د سوبه‌هى ناگه‌هین . دیسان به‌رپرسێ لقێ ئێك دبێژیت دێ گرنگیێ ب بۆچوونێن خه‌لكى ده‌ین . ئه‌ز دبێژم د بنیات دا حزب بتنێ و بتنێ وه‌كو ئامراز هاتیه‌ دامه‌زراندن داكو ئارمانجا سه‌ره‌كى و گشتى جێ به‌جێ بكه‌تن ، بۆ ئه‌ڤێ مه‌ره‌مێ دڤێت (100%) گرنگیه‌كا گه‌له‌ك مه‌زن ب بۆچوونێن راست و دروست و كورد په‌روه‌رانه‌ یێن خه‌لكى بهێته‌ دان .
چونكه‌ دڤێت به‌رپرسێ لقێ و سه‌رۆكێ كوردستانێ و سه‌رۆكێ حكومه‌تێ و وه‌زیر و پارێزگار و هه‌موو به‌رپرس گه‌له‌ك ب باشى بزانن خه‌لكى هه‌میان چاڤ هه‌نه‌ دبینن و گوه هه‌نه‌ گوه لێ دبن و عه‌قل هه‌یه‌ تێ دگه‌هن ، ئانكو نه‌ كه‌سێ كوره‌یه‌ و نه‌ كه‌سێ كه‌ر و لاله‌ و نه‌ كه‌سێ بێ عاقله‌ .
هه‌ر ده‌مێ ئه‌ڤه‌ بۆ به‌رنامێ كارى پشت راستم دێ سه‌ربه‌ست تروانشى نمره‌كا پیڤایى دێ خزمه‌تكرنا خه‌لكى دا تۆمار كه‌تن ، چونكه‌ مه‌زنترین سه‌رمایه‌ بۆ حزبێ خه‌لكه‌ دیسان ناڤهاتى به‌حسێ دلسۆزى و خه‌مخورى و دادپه‌روه‌رى و یه‌كسانیێ دكه‌ت.
ئه‌ڤه‌ چوار تێگه‌هێن ئێكجار گرنگن دژیانا هه‌ر كه‌س و سازیه‌كێ دا.
هه‌رده‌مێ دادپه‌روه‌رى په‌یره‌وكر دێ یه‌كسانى هه‌بیت . وى ده‌مێ دێ خه‌لك ل دوورماندووریێ حزبێ كوم بیت و چونكه‌ دێ هزرا هندێ كه‌ن كو هه‌موو هیڤى و ئومێد و داخوا زیێن وان بتنێ و بتنێ درێكا پارتى ب ده‌ستڤه‌ دهێن و دێ هه‌مى كاره‌ك ژى ب دلسۆزى و خه‌مخورى ب رێڤه‌ چیت .
دیسان ناڤبرى دبێژیت دێ ب ئاشكه‌را بێژین باش و باشه‌ و خراب وخرابه‌ حه‌ق و حه‌قه‌ و نه‌حه‌ق و نه‌حه‌قه‌ ئه‌ز سه‌ربه‌ست تروانشى پشت راست دكه‌م هه‌ر ده‌مێ ب ئاشكه‌را و ب شه‌فافیه‌ت ئه‌ڤ چه‌نده‌ هاته‌كرن دێ هند خه‌لك ل ته‌ و حزباته‌ كوم بن كو چجاران ته‌ ئه‌و هزر نه‌دكر ، چونكه‌ مه‌زنترین ئاریشا خه‌لكى بتنێ ئه‌ڤه‌یه‌ و گه‌له‌ك ژ خه‌لكى گه‌هشتینه‌ ئه‌وێ باوه‌ریێ كو خه‌لكێ به‌رپرس ب باشى كارێ خو ناكه‌ن و باش و خرابیان ژێكجودا ناكه‌ن و ل دووڤ به‌رژه‌وه‌ندیێن خو كاردكه‌ن ده‌مێ ئه‌ڤ چه‌نده‌ بهێته‌كرن وه‌كو چاوا ل ده‌ستپێكا هاتنا ته‌ بۆ لقێ ئێك خه‌لكى وه‌كو كه‌رنه‌ڤال پێشوازى لته‌كرن ، دێ ئه‌ڤ كه‌رنه‌ڤاله‌ یا به‌رده‌وام بیت و هه‌موو ده‌مه‌كێ دێ خه‌لكى ل دوورماندوورێن خو حزبا خو بینى كو ل گوور باوه‌ریا من نوكه‌ قوناغ وێ چه‌ندێ دخوازیت . سه‌ربه‌ست تروانشى دبێژیت دڤێت كادرێ پارتى بۆ هه‌موو قوناغان یێ به‌رهه‌ڤ بیت :
ئه‌گه‌ر كادرێن پارتى و جه‌ماوه‌رێ پارتى بزانیت كانێ پارتى خودانا چ مێژوویه‌كێ یه‌ .
وى ده‌مى ب سه‌رفه‌رازیه‌كا ئێكجار مه‌زنڤه‌ دێ بێژیت بۆ من شانازى یه‌ كو ئه‌ز پارتیمه‌ به‌لێ مخابن هنده‌ك به‌رپرسێن پارتى ، پارتى ل پێش چاڤێن خه‌لكى ره‌شكریه‌ . له‌ورا گه‌له‌ك گرنگه‌ جاره‌كا دى باوه‌ریێ بۆ خه‌لكى ب زڤرینه‌ڤه‌ و داكو خه‌لك و پارتى ببنه‌ دوو بازنێن پێگڤه‌ گرێدایى داكو وى ده‌مى هه‌موو كادر و ئه‌ندامێن پارتى خو ب شاگردێن رێبازا پیرۆزا بارزانیێ نه‌مر بزانن داكو بۆ خه‌لكى بهێته‌ دووپاتكرن كو كه‌س ل كادر و ئه‌ندامێن پارتى ب ئه‌خلاقتر نینه‌ وێ گاڤێ دێ مانشێتێ دیدارێ هێته‌ بیرا هه‌موو كه‌سه‌كێ ده‌مێ سه‌ربه‌ست تروانشى دبێژیت (حزباتى هه‌كه‌ بۆ خزمه‌تا خه‌لكى نه‌بیت چو رامان تێدا نینه‌) هه‌مى ده‌مه‌كێ هه‌مى خه‌لك دێ بێژن ئه‌م هه‌مى پێشمه‌رگه‌ینه‌ و جان فیداینه‌ بۆ كوردستانێ و ریبازا پیرۆزا بارزانیێ نه‌مر ددیدارێ دا به‌حسێ په‌یوه‌ندیا حزبێ و حكومه‌تێ دهێته‌كرن ئه‌ز دبێژم ئه‌گه‌ر كێماسیێن پارتى كادرێ حزبێ بیت باراپترى و پشكا مه‌زنا كێماسیان بۆ كادرێن حكومه‌تێ دزڤریت ، چونكه‌ پارتى حزبا ئێكێ یه‌ و حكومه‌ت پێكئینایه‌ و له‌ورا دڤێت میكانیزمه‌كێ په‌یدا بكه‌تن دێ چاوا دووڤچوون و هه‌لسه‌نگاندنێ بۆ كادرێن خو یێن حكومى كه‌تن داكو ل رێبازا پیرۆزا بارزانیێ نه‌مر خافل نه‌بن و ب به‌رده‌وامى خزمه‌تا خه‌لكى بكه‌ن ، وه‌كو چاوا (بارزانیێ نه‌مر دبێژت : شانازى یه‌ مروڤ خزمه‌تكارێ ملله‌تێ خو بیت ) دڤێت ب دروستى رێك ل هه‌موو زێده‌گاڤیان بهێته‌ گرتن داكو كه‌سایه‌تیا حزبێ وه‌كو باوه‌رى بۆ خه‌لكى ب زڤریته‌ڤه‌ و هه‌رده‌م خه‌لك ب هه‌یبه‌ت ڤه‌ به‌رێ خو بده‌ته‌ پارتى . دیسان به‌حسێ دامه‌زراندنا سه‌ركردایه‌تیا پارتى ل بادینان هاتیه‌كرن.
ل گوور باوه‌ریا من ئه‌گه‌ر ئه‌ڤ سه‌ركردایه‌تى یه‌ زێده‌تر بۆ هه‌ماهه‌نگیێ بیت دناڤبه‌را لقێن پارتى دا و دناڤبه‌را حزبێ و حكومه‌تێ دا و دناڤبه‌را حزبێ و خه‌لكى دا و هه‌موو بزاڤ ژى بتنێ خزمه‌تكرنا خه‌لكى بیت ئه‌ز باوه‌رم بادینان پێدڤى پێ هه‌یه‌ ، لێ ئه‌گه‌ر بۆ رازیكرنا هنده‌ك كه‌سان بیت كو ببیته‌ ناڤه‌كێ گران و گونده‌كێ وێران نه‌بوونا وێ گه‌له‌ك باشتره‌ ژ هه‌بوونا وێ. دیسان به‌حسێ ئالوگورێن ناڤ ئورگانێن حزبێ هاتیه‌كرن ئه‌ز دووپاتیێ دكه‌م چجاران چێ نابیت هیچ به‌رپرسه‌ك ل (4) سالان ده‌رباز ببیت هنده‌ك جاران كارى و قوناغێ پێدڤى ب هندێ هه‌یه‌ كو كه‌سه‌ك زێده‌تر ل (4) سالان ژى بمینیت . لێ ئه‌ڤه‌ دڤێت گه‌له‌ك كێم بیت . دیسان دبێژن دڤێت ئالوگور بهێنه‌كرن لێ دێ گه‌له‌ك باشتر بیت گوهرین بهێنه‌كرن ، نه‌ك لێك گوهرین ، چونكه‌ خه‌لك ل لێك گوهرینێ گه‌له‌ك بێزار بووینه‌.
بۆ ئه‌ڤێ چه‌ندێ دڤێت جیلێ نوى ل به‌رچاڤ بهێته‌ وه‌رگرتن و ئه‌ڤ گوهرینه‌ ببنه‌ ئه‌گه‌رێ ئاشبوونا نافخویا حزبێ و دیسان حزبێ و خه‌لكى .
ل دوماهیكێ دێ بێژم ئه‌ز وه‌كو دلسوز و خه‌مخوره‌كێ رێبازا پیروزا بارزانیێ نه‌مر و كادرێن قوتابخانا پارتى و خودانێ چه‌ندین شه‌هیدان .
دڤێت زه‌ندو باسكان لێ هه‌لبده‌ین و ل پشت پشتا جه‌نابێ سه‌روك مه‌سعود بارزانى را ب وه‌ستین ، داكو جه‌نابێ وى ب پشته‌ڤانیا هه‌موو خه‌لكى و جه‌ماوه‌رى و نه‌ته‌وا و ئایینان و كه‌سایه‌تیان ده‌وله‌تا كوردستانێ رابگه‌هینیت و هه‌موو خه‌لك تێدا هه‌ست ب هه‌بوونا خو بكه‌تن و یێ سه‌رفه‌راز و به‌خته‌وه‌ر بیت .چونكه‌ چاره‌سه‌ركرنا هه‌مى ئاریشان بتنێ و بتنێ راگه‌هاندنا ده‌وله‌تا كوردستانێ یه‌ پارتى بۆ ئه‌ڤێ مه‌ره‌مێ كاركریه‌ و كار دكه‌تن و دڤێت یا به‌رده‌وام بیت ، له‌ورا یا گرنگه‌ هه‌مى كادرێن پارتى به‌رى خه‌لكێن دى یێ به‌رهه‌ڤ بیت. من دیتن و بۆچوونێن خو ل سه‌ر دیدارا كاك سه‌ربه‌ست تروانشى دیاركرن هه‌ر ئێكى تێبینیه‌ك هه‌بیت دشێت به‌رسڤا من بده‌ت . لێ ب مه‌رجه‌كێ رێڤینكێ رێبازا پیرۆزا بارزانیێ نه‌مر بیت
چونكه‌ ئه‌ز (100 %) پشته‌ڤانێ هه‌موو گوتنێن كاك سه‌ربه‌ستى مه‌ و دێ ئاینده‌ژى دا دێ كه‌مه‌ كریار و دێ ب چاڤێن خو بینن.

-دگه‌ل رێزگرتنێ-