بۆچى سنێله‌ یێ نازك و هه‌ستیاره‌

بۆچى سنێله‌ یێ نازك و هه‌ستیاره‌
سه‌رنڤێسكار
د چوارچوڤێن پیڤه‌رێن ده‌روونناسیێ و جڤاكناسیێ دا دبێژن, هه‌موو مرۆڤ یێ نازكه‌, لێ هه‌موو مرۆڤ نه‌یێ هه‌ستیاره‌, لێ قۆناغا سنێله‌یێ هه‌م نازكه‌ و هه‌م هه‌ستیاره‌, ئانكو ته‌خه‌كا گرنگ و نازك و هه‌ستیاره‌, له‌ورا دڤێت هه‌رده‌م د چوارچوڤێ هه‌ستیارى و نازكیێ دا سه‌ره‌ده‌ری دگه‌ل دا بهێته‌ كرن.
دڤێت بهێته‌ زانین سنێله‌ كى یه‌؟
دڤێت بهێته‌ زانین سنێله‌ چى یه‌؟
دڤێت بهێته‌ زانین دێ چاوا سه‌ره‌ده‌ریێ دگه‌ل دا كه‌ى؟
دڤێت بهێته‌ زانین چاوا هزر دكه‌ن؟
دڤێت بهێته‌ زانین هه‌ستێن وان چاوانه‌؟
دڤێت بهێته‌ زانین ڕه‌فتارا وان چاوانه‌؟
دڤێت بهێته‌ زانین داخوازیێن وان چنه‌؟
دڤێت بهێته‌ زانین پێدڤیێن وان چنه‌؟
دڤێت بهێته‌ زانین ئاریشێن وان چنه‌؟
دڤێت بهێته‌ زانین چاوا ئاریشه‌ بۆ دروست دبن؟
دڤێت بهێته‌ زانین دێ چاوا وان ئاریشان چاره‌سه‌ر كه‌ن؟
دڤێت بهێته‌ زانین دێ چاوا ده‌لیڤا ئاخفتنێ ده‌نێ؟
دڤێت بهێته‌ زانین دێ چاوا گوهدارییا وان كه‌ن؟
ل گۆر باوه‌رییا من ئه‌ڤه‌ چه‌ند خاله‌كن دڤێت هه‌رده‌م ل به‌رچاڤ بهێنه‌ وه‌رگرتن, چونكه‌ ئه‌ڤه‌نه‌ نازكى و هه‌ستیارییا سنێله‌ى.
هه‌روه‌سا خاله‌كا دى ئێكجار گرنگ قۆناغا گه‌شه‌كرنا فیزیكى و له‌شى دڤێت ب رژدى بهێته‌ وه‌رگرتن, دڤێت ده‌یك و باب و كه‌سێن ژ سنێلان مه‌زنتر بیرا خۆ ل هندێ بیننه‌ڤه‌ ده‌مێ ئه‌و سنێله‌ وان چ د ڤییا؟ وان د ڤییا چاوا سه‌ره‌ده‌رى دگه‌ل دا هاتبا كرن, داكو ئه‌و ئه‌ڤرۆكه‌ گه‌له‌ك ب باشى بزانن دێ چاوا سه‌ره‌ده‌ریێ كه‌ن و دێ قۆناغا نازكى و هه‌ستیارییا سنێلان ل به‌رچاڤ وه‌رگرن.
هه‌روه‌سا دڤێت ئه‌وێ به‌راوردیێ ژى بكه‌ن د ناڤبه‌را تێگه‌هشتنا سنێلێن دوهى و سنێلێن ئه‌ڤرۆكه‌ دا, چونكه‌ ئه‌وێ چه‌ندێ ژى پێدڤى ب سه‌ره‌ده‌رییه‌كا سه‌رده‌مى و گونجاى هه‌یه‌ بۆ هندێ خێزان و جڤاك و وه‌لات هه‌موو پێگڤه‌ ئاریشێن وان كێمتر لێ بهێن, دڤێت بزانن دێ چاوا سه‌ره‌ده‌ریێ دگه‌ل قۆناغا نازكى و هه‌ستیارییا سنێلان كه‌ن نه‌خاسمه‌ ڕه‌گه‌زێ مێ زێده‌تر ژ ڕه‌گه‌زێ نێر ژى, د وى ده‌مى دا دێ گه‌نجه‌كێ ساخله‌م و هه‌ستكرن ب به‌رپرسیاره‌تیێ په‌یدا بیت و دێ خێزان و جڤاك و وه‌لات یێ سه‌رفه‌راز و سه‌ربلند بن و ئه‌م هه‌موو پێگڤه‌ دێ گه‌هینه‌ گوپیتكا به‌خته‌وه‌ریێ.
ئه‌ڤه‌ من به‌رسڤا بۆچى یا قۆناغا هه‌ستیارى و نازكییا سنێلان دا.
هه‌تا هژمارا بهێت هه‌ر د سه‌رفه‌راز بن