رێزگرتنا ترافیكێ ، هونه‌ر و زه‌وق و ئه‌خلاقه‌

رێزگرتنا ترافیكێ ، هونه‌ر و زه‌وق و ئه‌خلاقه‌
سه‌رنڤیسكار
ترومبێل ئه‌ڤروكه‌ یا بوویه‌ پشكه‌ك ل ژیانا خه‌لكى و رۆژانه‌ ب ره‌نگه‌كێ گه‌له‌ك به‌رفره‌ه دهێته‌ ب كار ئینان .
ژبۆى هاژوتن و ب كارئینانا ترومبێلێ ژى یاسایه‌ك هه‌یه‌ و لبن سیبه‌را ئه‌وێ یاسایێ جهێن په‌یوه‌ندیدار چه‌ندین بریار و رێنمایى ده‌رئێخستینه‌ هه‌موو پێگڤه‌ بۆ رێكخستن و پاراستنا ژیانا خه‌لكى نه‌.
لێ جهێ مخابنیێ ئه‌وه‌ تاكو نوكه‌ ئه‌م نه‌شیاینه‌ ئه‌وێ یاسایێ جێ به‌جێ بكه‌ین و وان بریار و رێنمایان بكه‌ینه‌ پشكه‌ك د هونه‌ر و زه‌وق و ئه‌خلاقێ ترومبێل هاژوتنێ دا .
ژبه‌ر هندێ ژى رۆژانه‌ روودانێن مه‌زن روو دده‌ن و دبیته‌ ئه‌گه‌رێ ژ گیان ده‌ستدانا ب هزاره‌ها مروڤان نه‌خا سمه‌ ئافره‌ت و زارۆك و سنێلان.
بۆ هندێ ئه‌م هه‌موو پێگڤه‌ ب تایبه‌ت ئه‌وێن خو ب شوفێر دزانن پێدڤى یه‌ درو شمێ شوفێریێ بزانن و پێگیریێ پێ بكه‌ن .
بۆ نموونه‌ دڤێت بزانن
– هونه‌ر چى یه‌ د ترومبێل هاژوتنێ دا ؟
– زه‌وق چى یه‌ د ترومبێل هاژوتنێ دا ؟
– ئه‌خلاق چى یه‌ د ترومبێل هاژوتنێ دا ؟
ده‌مێ ئه‌ڤ درو شمه‌ ل به‌ر چاڤ هاته‌ وه‌رگرتن ، هه‌لبه‌ته‌ دێ هزر د ره‌وشه‌نبیریا یاسایا هاتن و چوونێ دا هێته‌كرن و دێ بریار و رێنمایێن وێ ژى ل به‌ر چاڤ هێنه‌ وه‌رگرتن.
د هه‌مان ده‌م دا گه‌له‌ك یا گرنگه‌ سازیێن جڤاكێ مه‌ده‌نى و راگه‌هاندنێ ب هه‌ڤكارى دگه‌ل رێڤه‌به‌ریێن هاتن و چوونێ ب ره‌نگه‌كێ گه‌له‌ك به‌رفره‌ه كار ل سه‌ر ره‌وشه‌نبیرى و هشیاریا یاسایى و بریار و رێنمایان بهێته‌كرن ، داكو دروشم ب دروستى بهێته‌ جێ به‌ جێكرن . د وى ده‌مى دا دێ هه‌موو جڤاك مفاى ل سیسته‌م و هاژوتنا ترومبێلێ وه‌رگرن و دێ سزا و تاوان ژى گه‌له‌ك كێم بن و دێ گیان ژ ده‌ست دان ژى ب ده‌گمه‌ن هه‌بن . یا ژ هه‌موویان ژى گرنگتر و به‌رچاڤتر دێ سنێله‌ خو ژ دیارده‌یا هاژوتنا ترومبێلێ پارێزن و دێ رێزێ ل سیسته‌مێ ترافیكێ گرن.
ئه‌وژى ناكه‌ڤنه‌ بن حوكمێ یاسایێ و ناكه‌ڤنه‌ د چاكسازیا سنێلان دا ئه‌ڤجا دگه‌ل تاوانبارێن جودا جودا كو گه‌له‌ك جاران ده‌مێ دكه‌ڤنه‌ د چاكسازیێ دا هنده‌ك تاوان شنیكا گوه لێ دبن و دزانن . وى ده‌مى حه‌ز بۆ هنده‌كان په‌یدا دبیت ده‌مێ ل چاكسازیێ ده‌ردكه‌ڤن . بچن وان تاوانان بكه‌ن كو ئه‌ڤه‌ دوو جاران جڤاكى به‌ره‌ڤ مه‌ترسیێ دبه‌ن.
مه‌ره‌ما من بتنێ بیر ئینان و هشیارى و ره‌وشه‌نبیریا جڤاكى یه‌ ب ره‌نگه‌كێ گشتى داكو ئه‌م هه‌موو پێگڤه‌ رێزێ ل ترافیكێ بگرین ، داكو دپاراستى بین.
هه‌تا هژمارا بهێت د سه‌ر فه‌راز بن