مامۆستا عه‌باس ئه‌حمه‌د
سه‌رده‌مێ مه گه‌له‌ك كه‌س دژی پێشكه‌فتنا كورد و كوردستانێ بوون
* بشێوه‌یه‌كێ گشتی خۆاندنا مه گه‌له‌ك ئاسته‌نگ تێدابوون
* وی ده‌می ره‌فتارێ دگه‌ل سنێله‌ی بكه ده‌مێ ده‌روونێ وی دزانی
*كه‌سێ نه‌دگوته مه ئه‌ركێن هه‌وه ئه‌ڤه‌نه و رێكا هه‌وه ژی ئه‌ڤه‌یه
دیدار/ ئه‌حمه‌د ئومێد- رێڤینگ سه‌گڤان
هه‌موو ژیانا مرۆڤی دبیته بیرهاتن ل ده‌ڤ هه‌ر كه‌سه‌كی ئه‌ڤجا چ خۆش یان نه‌خۆش، ئه‌ڤ جاره مه بفه‌ر دیت بیرهاتنێن ماموستا (عه‌باس ئه‌حمه‌د)كو رابه‌رێ په‌روه‌ردێ یه ل كولیژا دهوك یا به‌هره‌داران بۆ هه‌موو سنێله‌یان بده‌ینه دیاركرن.
سنێله/ خۆاندنا ته یا چه‌وا بۆ, و ته چ ئاسته‌نگ دگه‌ل هه‌بون؟
عه‌باس ئه‌حمه‌د: براستی خۆاندنا مه بشێوه‌یه‌كێ گشتی گه‌له‌ك ئاسته‌نگ تێدا بوون, چونكی ئه‌م ل سه‌رده‌مه‌كی دژیاین كو ئه‌و سه‌رده‌م هه‌موو دژی پێشكه‌فتنا كورد و كوردستانێ بوینه.
سنێله/ ده‌مێ تو سنێله دیتنا ته بۆ ژیانێ یا چه‌وا بوو؟
عه‌باس ئه‌حمه‌د: ئه‌ز دشێم بێژم كو من ده‌مێ سنێله‌یێ نه‌بویه چونكی مه چ هه‌ست و بیر و باوه‌ر نه‌بووینه دوی سه‌رده‌میدا و كه‌سێ ژی ئه‌م ب بارودوخێن مه ئاگه‌هدارنه‌كرینه, وكه‌سێ هاریكاریا مه نه‌كریه و نه‌گوتیه مه ئه‌ركێن هه‌وه ئه‌ڤه‌نه و رێكا هه‌وه ژی ئه‌ڤه‌یه.
سنێله/ دیتنا ته بۆ سنێلێن نوكه یا چه‌وایه؟
عه‌باس ئه‌حمه‌د: ب لێبورین ڤه سنێلێ مه ده‌ستێن ژخۆ به‌رداین, ئه‌ز هیڤی دكه‌م ده‌ستا ژخۆ به‌رنه‌ده‌ن و ڤه‌كولینێن گشتی بكه‌ن و هه‌رده‌م بخوینن و كارێن ب مفا بكه‌ن.
سنێله/ ئایا جڤاكێ مه بشێوه‌كێ دروست ره‌فتارێ دگه‌ل سنێله‌ی دكه‌ن؟
عه‌باس ئه‌حمه‌د:نوكه جڤاكێ مه دروونێ سنێله‌ی نا خۆنینن، لێ ئه‌ز دبێژم وی ده‌می ره‌فتارێ دگه‌ل سنێله‌ی بكه ده‌مێ ده‌روونێ وی دزانی.
سنێله/ نێزیكترین هه‌ڤالێ ته كییه؟
عه‌باس ئه‌حمه‌د: نێزیكترین هه‌ڤالێ من په‌رتوكا منه.
سنێله/ تایبه‌تمه‌ندیا ته چیه,و تویێ پێ كه‌یف خۆشی؟
عه‌باس ئه‌حمه‌د: تایبه‌تمه‌ندیا من یا سه‌ره‌كی زانستێ ده‌رونناسی یه,هه‌روه‌سا یا دووێ زمانێ كوردیه و یا سییێ زمانێ هوله‌ندی یه, و ئه‌ز یێ ب هه‌میا كیف خۆشم و ب تایبه‌تی زانستێ ده‌رونناسی.
سنێله/ تو حه‌ز ژ چ خوارن دكه‌ی؟
عه‌باس ئه‌حمه‌د: ئه‌ز حه‌ز ژ هه‌موو خوارنان دكه‌م, و ئه‌و خوارن ل ده‌ڤ من یا خوشه یا دل پێ خۆش.
سنێله/ چ هیڤی هه‌نه؟
عه‌باس ئه‌حمه‌د: هیڤیا من ئه‌وه كو سنێلێ نوكه وه‌كو مه نه‌بیت و بیرو باوه‌رێن بهێزتر هه‌بن و شیانێن زێده‌ترهه‌بن و هه‌سته‌كێ نه‌ته‌وه‌یی یێ موكم هه‌بیت.
سنێله/ ئاموژگاریا ته بۆ سنێلان چیه؟
عه‌باس ئه‌حمه‌د: دڤێت سنێله گوهێ خۆ بده‌ته ئاموژگاریێن وان كه‌سێن ره‌وشه‌نبیر و خودان زانست, چونكی سنێلێ مه هێزوشیان یێن هه‌ین لێ بتنێ پێدڤی برێكا دروسته بۆ بهێته ده‌ستنیشانكرن.
سنێله/ په‌یڤا دوماهیێ ؟
عه‌باس ئه‌حمه‌د: ئه‌ز هیڤیدارم ژ هه‌موو سنێلان كو ده‌مێ خۆ بێ مفا نه مه‌زێخن و ئێك چركه‌ژی ژ قه‌ستا نه‌به‌ن و ئه‌ز سوپاسیه‌كا گه‌رم ل گوڤارا سنێله دكه‌م بو ڤان كارێن پیروز و پرمفا, و هه‌روه‌سا ده‌ستخوشیێ ل ستافێ كوڤارێ دكه‌م.
دنیا ب هیمه‌تا گه‌نجان و ئه‌زموونێن پیران برێڤه دچیت
