سیلاڤ خێڤه:
دڤێت ئافره‌تێ ژی هه‌بوون و بریار و رێزگرتنا خۆ هه‌بیت
*ده‌ما په‌یڤا توند و تیژیێ دهێته گووتن وێنێ ئافره‌تێ دهێته به‌رچاڤ.
*ل دووڤ داخوازێن وان خولێن دروارێ ژی مه ڤه‌كرینه.
دیدار/ بلند عه‌بدولسه‌میع
رۆژ بۆ رۆژێ توندوتیژی دگه‌ل ئافره‌تان به‌ره‌ڤ لاوازبوونێ و نه‌مانێ ڤه دچیت تاراده‌یه‌كی باش ئافره‌ت مافێن خۆ دبینن وه‌ك ئازادبوون و كاركرن و گه‌له‌ك كارێن دی ماموستا (سیلاڤ خێڤه سالح) بو مه ل سه‌ربابه‌تێ توند و تیژیێ دژی ئافره‌تن د په‌یڤیت و بۆ مه رون دكه‌ت كا توند و تیژی دژی ئافره‌تان د چ ئاست دایه.
سنێله/ تۆ ب چ ڤه مژوولی و كارێ ته چیه؟
سیلاڤ: ئه‌ڤه شه‌ش ساله ئه‌ز ماموستا و ل ئه‌نجومه‌نێ قه‌زا سێمێلێ یێ ئافره‌تان كار دكه‌م و مژوولی چه‌ند خولاینه.
سنێله/ ئه‌نجومه‌نێ ئافره‌تان تا چ راده شیایه ئافره‌تێ پێش بێخیت یان هاریكاره‌ك بیت بۆ ئافره‌تێ؟
سیلاڤ: ئه‌نجومه‌نێ قه‌زا سێمێلێ یێ ئافره‌تان هه‌ر ژ ده‌ستپێكا دامه‌زراندنا وێ شیایه رۆلێ خۆ بسه‌لمینیت دبوارێ پێشڤه‌برنا ئافره‌تێ دا و ژ لایێ كومه‌لایه‌تی كو دڤێت ئافره‌تێ ژی هه‌بوون و بریار و رێزگرتنا خۆ هه‌بیت دناڤ جڤاكی دا.
سنێله/ هه‌تا نوكه هه‌وه چ خۆل ڤه‌كرینه؟
سیلاڤ: مه گه‌له‌ك خول ڤه‌كرینه و ژلایێ ره‌وشه‌نبیری ڤه به‌رده‌وام خولێن پێگه‌هاندنێ و سمینار و وورك شوپ بۆ ئافره‌تێ دهێنه ڤه‌كرن ل دووڤ داخوازێن وان خولێن دروارێ ژی مه ڤه‌كرینه.
سنێله/ مه‌ره‌م ژ ڤه‌كرنا ڤان خولان چیه؟
سیلاڤ: مه‌ره‌م ژ ڤه‌كرنا ڤان خولان ئه‌وه ئافره‌ت رۆلێ خۆ هه‌بیت دبوارێ ئابووری و ره‌وشه‌نیبری دا ئانكو شیانێن دانو ستاندنێ و به‌شداری كرنێ ل ده‌ڤ خورت بیت.
سنێله/ئه‌نجومه‌نێ هه‌وه چ بۆ كچێن سنێله دكه‌ت؟
سیلاڤ: مه كچێن سنێله كو د قوناغێن قوتابخانێ و فێركرنێ دا ژبیرنه‌كرینه و د مه‌هێن بهێنڤه‌دانا هاڤینی دا خولێن (زمانێ ئینگلیزی، كومپیوته‌ر، شێوه‌كاری و میوزك) ێ بۆ دهێنه ڤه‌كرن.
سنێله/ تا چ راده شیاینه توند و تیژیێ به‌ره‌ڤ كێم بوونێ و نه‌مانێ ڤه ببه‌ن.
سیلاڤ: ده‌ما په‌یڤا توند و تیژیێ دهێته گوتن ئێكسه‌ر وێنێ ئافره‌تێ دهێته به‌رچاڤ دبیت ئه‌ڤه ژی ژ ئه‌گه‌رێ وێ چه‌ندێ بیت كو ئافره‌ت پتر كه‌تیه به‌ر ڤێ دیاردێ ئه‌م وه‌ك ئه‌نجومه‌نێ ئافره‌تان ل سێمێلێ هه‌ولدده‌ین ژ بۆ نه‌هێلانا ڤێ دیاردا ترسناك ژبه‌ركو ئافره‌ت ژی مروڤه و هه‌موو مافێن خۆ یێن مرۆڤایه‌تی هه‌نه.
سنێله/ په‌یڤا ته یا دووماهیكێ.
سیلاڤ: ل دووماهیكێ ئاماژێ ب وێ چه‌ندێ دده‌م كو ئافره‌تێ باوه‌ری ب خۆ و شیانێن خۆ هه‌نه و ئه‌نحومه‌نێ ئافره‌تان ب مالا خۆ بزانین و ل هه‌موو گاڤا ل دووڤ شیانێن خۆ دخزمه‌تا ملله‌ت و جڤاكی داینه و هه‌موو لایه‌ن و بزاڤان ب تایبه‌تی ئه‌و لایه‌نێ ئافره‌تان ب خۆ ڤه دگریت و ژ دل سوپاس بۆ كوڤارا سنێله سه‌ركه‌فتی بیت.
ئه‌و تشتێ خوشه ئه‌وێ دلێ ته پێ خوش
